ZHESLB | Tangazo la Maombi ya Mkopo

Bodi ya Mikopo ya Elimu ya Juu Zanzibar inawatangazia wanafunzi wote wanaohitaji kujiendeleza katika fani mbali mbali za Elimu ya Juu kuwa fomu za maombi ya mikopo ya elimu ya juu kwa mwaka wa masomo 2019/2020 zitaanza kutolewa kwa miezi mitatu kuanzi tarehe 20/05/2019 hadi tarehe 16/08/2019
Mikopo itatolewa kwa waombaji waliotimiza sifa za kujiunga na masomo ya Elimu ya Juu katika ngazi za :

1. Shahada ya kwanza (Bacher Degree)
2. Shahada ya Pili (Master Degree)
3. Shahada ya Tatu (Phd)

Walengwa wa maombi ya mikopo ni:

1. Wahitimu wa kidato cha Sita wenye sifa za kujiunga na masomo ya Shahada ya kwanza.
2. Wahitimu ya Diploma wenye sifa za kujiunga na masomo ya Shahada ya Kwanza
3. Wahitimu ya Shahada ya Kwanza wenye sifa za kujiunga na Shahada ya Pili.
4. Wahitimu wa Shahada ya Pili wenye sifa za kujiunga na Shahada ya Tatu.

Waombaji wa mikopo wanapaswa kuzingatia Fani za Kipaumbele vya Serikali ambazo zinapatikana katika tovuti za Bodi ya Mikopo ya Elimu ya Juu Zanzibar
(www.zhelb.go.tz)na tovuti ya Wizara ya Elimu na Mafunzo ya Amali Zanzibar (www.moez.go.tz).
Fomu ya maombi zitalipiwa shilingi 10,000 ambazo zitalipwa moja kwa moja na muombaji kwenye akaunti namba 0406017000 ya Bodi ya Mikopo ya Elimu aya Juu iliyopo katika Benki ya Watu wa Zanzibar (PBZ)
Wanaohitaji fomu wanaombwa kufika katika ofisi za Bodi ya Mikopo ya Elimu ya Juu zilizopo Vuga kwa Unguja na jingo la Wizara ya Elimu na Mafunzo ya Amali Chakechake Pemba na wanatakiwa kuchukua:

1. Kitambulisho cha Mzanzibari
2. Fomu ya malipo(Pay Slip)kutoka Benki ya Watu wa Zanzibar(PBZ)
3. Vivuli vya vyeti na matokeo ya masomo kwa ngazi aliyohitimu.

Utaratibu huu hauwahusu waombaji wa Mikopo ya Elimu ya Juu ambao ni watumishi wa Taasisi za Serikali ya Mapinduzi ya Zanzibar (SMZ) na Serikali ya Jamhuri ya Muungano wa Tanzania (SMT).
AHSANTENI

  Update /Install App yetu Ili kuendelea Kupata Huduma zetu katika Ubora zaidi BONYEZA HAPA CHINI 👇👇👇👇👇👇👇👇👇👇👇👇👇👇👇👇👇👇👇👇👇

=>BONYEZA HAPA UPDATE / INSTALL